वीरगञ्ज १२ चैत : प्रदेश नम्बर २ का मुख्यमन्त्री लालबाबु राउतले महामारीको रुपमा फैलिरहेको कोरोना भाइरस संक्रमण विरुद्धको लडाईका लागि प्रदेश सरकार तयारी अवस्थामा रहेको बताएका छन् । मंगलबार मुख्यमन्त्री राउतले प्रदेशबासीको नाममा अपिल जारी गर्दै महामारीविरुद्ध लड्न संघीय सरकारले जारी गरेको निर्देशनप्रति प्रदेश सरकारको पूर्ण समर्थन रहेको भन्दै प्रदेशवासीलाई समेत संघीय सरकारको निर्देशन अक्षरशः पालना गर्न आग्रह समेत गरेका छन् । उनले जारी गरेको अपिलमा स्थानीय तह, प्रदेश र संघीय सरकारको सरकार र सर्वसाधारणको एकता नै महामारी विरुद्धको बलियो हतियार रहेको जनाउदँै लक डाउनलाई पुर्णतः समर्थन गर्न प्रदेशवासीलाई आग्रह गरेका छन् । उनले महामारी विरुद्ध लड्न प्रदेश सरकारले गत साता देखि नै आफ्नो पूर्व तैयारीहरु सुरु गरिसकेकाले यस महाविपतको घडीमा कसैलाई नआत्तिन समेत सुझाव दिएका छन् । उनले महामारी विरुद्धको पूर्व तैयारीको लागि प्रदेशमा २ सय ५० आइसोलेशन बेड तयारी अवस्थामा रहेको र थप आइसोलेशन बेडको लागि गृह कार्य भइरहेको अपिल मार्फत जनाएका छन् । महामारीकोे हल्ला सुनिए लगत्तै प्रदेश सरकार पूर्व तयारीका लागि विपद व्यवपस्थापन कोष मार्फत प्रत्येक जिल्लाका विपद व्यस्थापन कोषलाई ५० /५० लाख रुपैयाँ दिएको बताउनु भएको छ ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
