काठमाडौं- राजा ज्ञानेन्द्र शाहले मंगलबार बझाङमा गएको भूकम्पबाट भएको जनधनको क्षतिप्रति दुःख व्यक्त गर्नुभएको छ ।
बझाङको चैनपुर केन्द्रबिन्दु भएर हिजाे अपरान्ह ३:६ मा ६.३ रेक्टर स्केलको भूकम्प गएको थियाे । शाहले सुदूरपश्चिमका विभिन्न जिल्लाहरूमा ठूलाे क्षति पुगेकाे र जनसाधारणमा त्रासदी बढेकाेमा गहिराे दु:ख व्यक्त गर्नु भएको राजा शाहको संवाद सचिवालयले जनाएको छ। साथै उहाँले भूकम्पपीडितको उपचार र राहतमा सरकारले शीघ्र कदम चाल्न सम्बन्धित सबैकाे ध्यान चाँडै पुगोस् भनी आग्रहसमेत गर्नुभएको छ ।
राजा शाहको संवाद सचिवालयले बुधबार यसबारे एक बिज्ञप्ति निकाल्दै जानकारी गराएको हो। बझाङमा भूकम्पबाट एक जनाको ज्यान गएको छ भने २७ जना घाइते भएका छन्।
सुदूरपश्चिममा भूकम्पका कारण ७६ घरमा पूर्ण क्षति भएको छ। प्रदेशका पहाडी जिल्लाका तीन सय एक घरमा आंशिक क्षति भएको छ। ३२ वटा सरकारी कार्यालयमा आंशिक क्षति भएको छ भने एक कार्यालयमा पूर्ण क्षति भएको छ। बझाङमा सबैभन्दा बढी क्षति भएको छ।
प्रतिक्रिया दिनुहोस
Copyright © 2019 / 2025 - Kalapanimedia.com All rights reserved
