इजरायल-हमास युद्ध विश्रामको पाँचौं दिन पनि कञ्चनपुरका विपिन जोशी अझै रिहा नहुँदा परिवारमा चिन्ता थपिएको छ ।
असोज २० गतेका दिन प्यालेस्टिनी विद्रोही समूह हमासले इजरायलमा गरेको आक्रमणका क्रममा बेपत्ता भएका जोशीको रिहाइ र घर फिर्तीको दिन गनेर आमाबुवाको दिन बित्ने गरेको छ । विपिनका ५० वर्षीय बुवा महानन्द जोशीले ५० दिन भइसक्दा पनि छोरा बेपत्ता भएको र सार्वजनिक नहुँदा चिन्ता थपिएको बताए ।
पहिलो चरणमै रिहाइको पहलको आशा गरेका बुवा महानन्दले छोराको रिहाइ नहुँदा पिडा भएको बताए । उनले जतिसक्दो चाँडो छोराको रिहाइको आशा राख्दै यथाशीघ्र नेपाल ल्याउने पहल गरिदिन सरकारसँग आग्रह गरे।
छोरा बेपत्ता हुनु अगाडिसम्म बझाङको एक सामुदायिक विद्यालयमा अध्यापन गराउँदै आएका बुवा महानन्द जोशीले त्यसयता जागिरमा समेत जान नसकेको बताए । छोराको रिहाइ गरिदिन आमा पद्मा जोशीले पनि सरकार समक्ष याचना गरे ।
एक छोरा र एक छोरी रहेको जोशी परिवार लामो समयदेखि कञ्चनपुरको भीमदत्त नगरपालिका वडा नं. ३ मालिकार्जुन टोलमा बस्दै आएको छ । २३ वर्षीय विपिन जोशी सिकाइसँगै कमाइ कार्यक्रम अन्तर्गत इजरायल गएका थिए । तर इजरायल युद्धमा बङ्करमा बसिरहेको बेलामा उनलाई हमास लडाकुले कब्जामा लिएपछि ५० दिन बित्दासमेत अवस्था अज्ञात नै छ ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
