जावेद अन्सारी, बाँके। नेपालगञ्जका मुस्लिम समुदायले अव घरमै नमाज पढ्नु पर्ने भएको छ। देशको विषम परिस्थितिलाई मध्यनजर गरेर उनीहरुले घरमै नमाज पढ्नु पर्ने भएको हो ।
दारुल उलुम फैजुन्नबी, जामा मस्जिद इदगाह संचालक समिती नेपालगञ्जले सूचना जारी गरी नेपालगञ्ज उपमहानगरपालिका भित्र बसोबास गर्ने सम्पुर्ण नेपाली मुस्लिमहरुलाई आ आफ्नो घरबाटै नमाज पढ्न अनुरोध गरेको छ ।
संचालक समितिका महासचिव मोहम्मद इरफान सिद्दिकीद्वारा जारी सुचनामा संसारभर फैलिएको कोरोना कोभिड १९ को संक्रमण नेपालमा पनि फैलिन नदिन सरकारले गरेको निर्णयको स्वागत गर्दै साथ दिने उल्लेख गरिएको छ । नेपाल सरकारको भेला, भिडभाड प्रति लगाइएको प्रतिबन्धको निर्णयलाई समर्थन गर्दै सबैले आ आफ्नै घरबाट नमाज पढ्न अनुरोध गर्दछौं ।’ सूचनामा भनिएको छ ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
