गर्व छ म सिपाही भएकोमा

माघ २०, २०८०

कालापानी मिडिया

गर्व छ म सिपाही भएकोमा
लाग्छ मेरो जन्म नै यहि माटो
यिनै सुुन्दर हिमालहरु
अनि मनै लोभ्याउने गरी सुस्केरा गाउँदै वगिरहेका
झर्ना र नदीहरुको
सामिप्यतामा वस्दै रक्षा गर्न
ईश्वरले सृष्टि गरेको एक सुन्दर सिपाही हुँ
देश ,जनता, स्वाभिमान, सर्वभौमसत्ता र अखण्डताको निम्ति
मेरा नशाहरुमा एक थोपा रगत रहुन्जेल सम्म
विश्वको सर्वोच्च शिखर सगरमाथा झैँ अडिक रहने छु
जब म पूर्ण पोशाक र हतियार सहित कर्मथलोमा निस्कन्छु
मलाई हेर्न लालायित भएका आत्माहरुको झुण्ड देख्दा
मेरो छाती गर्वले चौडा हुुन्छ
मेरा बुटले जब धर्तीको स्पर्श गर्छन
लाग्छ यो जमिन नै कम्पन भैरहेछ
मैले पि.टि. र कवाज खेल्दा निस्कने आवाजले
कोसौ परका चराहरु उडेको देखेको छु
कहिले काहिँ सोचेर आफै चकित पर्छु
कति उर्जा अनि धैर्यता छ म सिपाही मा
सम्पूर्ण नेपाली जनताहरु बाट पाएको सम्मान अनि मायाले मलाई प्रदान गर्ने खुुसी र सन्तुष्टिको
म वर्णन नै गर्न सक्दीन
जन्मिनु र मर्नु प्राकृतिक नियम हो
तर म सिपाही मात्र एक हुँ ,जो कहिले मर्दिन
हुुन सक्छ म भौतिक रुपले नरहुँला
तर, मेरो कर्मले म सधैँ अमर रहिरहने छु
यो सबै देख्दा मेरी आमा खुसीले कति गदगद हुदिहुन्
म जस्तो सिपाही उनको कोखबाट जन्मेकोमा
म जस्तो सिपाही उनको कोखबाट जन्मेकोमा