राप्रपा अध्यक्ष लिङ्देनको प्रश्न - देउवाको जिल्ला सदरमुकाम यही हो कि अर्को छ ?

  • माघ २३, २०८०
  • कालापानी मिडिया
alt

डडेल्धुरा । राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङ्देनले पूर्वप्रधानमन्त्री एवं नेपाली कांग्रेसका सभापति शेरबहादुर देउवाको गृहजिल्ला डडेल्धुरामा अपेक्षाअनुसार विकास नभएको बताएका छन्।

मंगलबार राप्रपा जिल्ला कार्य समिति डडेल्धुराले सदरमुकामको बसपार्कमा आयोजना गरेको वृहत् आमसभालाई सम्बोधन गर्दै उनले डडेल्धुरामा आफूले सोचेअनुसारको विकास भएको नपाएको बताएका हुन्। पाँचपटक प्रधानमन्त्री भइसकेका देउवाप्रति व्यंग गर्दै अध्यक्ष लिङ्देनले डडेल्धुराको सदरमुकाम यही नै हो, कि अर्को सदरमुकाम छ ? भन्दै प्रश्न गरे। ‘एउटा मान्छेलाई डडेल्धुराका जनताले पाँचचोटी प्रधानमन्त्री बनाउने काम गरेका छन्।

त्यहाँका जनताले त्यसवाफत के पाएका छन् भनेर हेरौँ र सिकौँ भन्ने मनमा थियो र आज डडेल्धुरा आइपुगेँ’, उनले भने, ‘डडेल्धुराको सदरमुकाम यही हो कि अर्को छ ? शेरबहादुर देउवाको डडेल्धुरा यही हो कि अर्को छरु शेरबहादुरका मतदाताले हिँड्ने बाटो यही हो कि अर्को छ ? यही हो भने हरे।।।जुन जिल्लाले पाँचपल्ट प्रधानमन्त्री पायो, त्यही हो डडेल्धुरा ?’ उनले पाँचपटक प्रधानमन्त्री भएको जिल्लाको विकासको हबिगत यस्तो हुँदा हामी कहाँ पुग्दै भन्दै प्रश्न गरे।

उनले देउवाबारे यसभन्दा बढी टिप्पणी गर्न नपर्ने पनि बताए। उनले डडेल्धुराबासीलाई राप्रपाको बहुमत रहेको झापाको हल्दीबारी गाउँपालिकाको विकास हेर्न आउने र विकास कस्तो हुन्छ भने त्यहाँबाट सिक्न आग्रह गरे। हल्दीबारी लिङ्देनको गृह गाउँपालिका हो।

अध्यक्ष लिङ्देनले डडेल्धुराका जनताको मत र मन परिवर्तन भए यहाँको मात्र नभएर देशकै मुहार परिवर्तन हुने बताए। ‘सही मान्छेलाई भोट नदिँदा देश बिग्रेको हो। पैसा दिनेलाई भोट दिन्छौँ अनि कहाँबाट देश विकास हुन्छ’, उनले भने, ‘भोट दिने कुरा छोरी दिने भन्दा बढी महत्त्वपूर्ण छ। त्यसैले अब सही मान्छेलाई मात्रै भोट गर्नुपर्छ।’ अध्यक्ष लिङ्देनले देश गणतन्त्रले नभई लुटतन्त्रले चलेको आरोप लगाए। ‘अहिले देश गणतन्त्रले होइन लुटतन्त्रले चलेको छ।

देशको स्थिति सामान्य छैन’, उनले भने, ‘आज नेपाल शक्ति राष्ट्रको केन्द्र बनेको छ। नेपाल कुनै पनि बेला शक्ति राष्ट्रको द्वन्द्वको केन्द्र बन्न सक्छ।’ राजनीतिक दलहरू देश सुधारको पक्षमा नभएको र नेताहरूले लुट मच्याइरहेका उनको आरोप थियो। ‘देश काण्डै काण्डले चलिरहेको छ। नेताहरू मिलेर देश लुटिरहेका छन्’, उनले भने, ‘देश सुधार्न बलियो जनदबाब सिर्जना गर्नुपर्छ। यो असफल व्यवस्थाको विरुद्ध सबै एकजुट भएर अगाडि बढ्नुपर्नेछ।’ देशमा अब अभिभावकीय रूपमा राजा र जनताबाट प्रत्येक निर्वाचित प्रधानमन्त्री हुनुपर्ने उनको भनाइ थियो।

उनले स्थाथीय तहलाई बलियो बनाएर प्रदेश र राष्ट्रियसभा खारेज गर्नुपर्ने बताए । सरकारलाई अध्यक्ष लिङ्देनले राजदरबार हत्याकाण्डमा यदि राजा ज्ञानेन्द्र शाह दोषी छन् भने किन समातेर जेल नहालेको ? भन्दै प्रश्न गरे।

आमसभामा राप्रपाका वरिष्ठ उपाध्यक्ष रवीन्द्र मिश्रले नेपाली कांग्रेस र एमालेलाई प्रचण्डीकरण भएको आरोप लगाए। देशमा प्रचण्डपथ हाबी भएकाले उल्लेख गर्दै उनले मुलुकको विकासका लागि राजसंस्था र हिन्दु राष्ट्र आवश्यक रहेको औंल्याए।

‘राजसंस्था, हिन्दु राष्ट्र स्थापना एवं शुसासनको प्रत्याभूति आजको आवश्यकता’ भन्ने मुल नाराका साथ जिल्ला कार्य समिति अध्यक्ष राजेन्द्र भण्डारीको अध्यक्षतामा सम्पन्न भएको आमसभामा सुदूरपश्चिम प्रदेश अध्यक्ष धर्मराज जोशीको पनि उपस्थिति रहेको थियो।

प्रतिक्रिया दिनुहोस

सम्बन्धित समाचारहरु
धरानमा तत्काल हवाई म ...

धरान । संस्कृति, पर्यटन तथा नागरिक उड्डयन मन्त्री सुदन किरातीले मिहिन ढङ्गले अध्ययन नगरी धरानमा तत्क ...

कोशी र गण्डकी प्रदेश ...

काठमाडौँ । जल तथा मौसम विज्ञान विभाग, मौसम पूर्वानुमान महाशाखाले हाल नेपालमा पश्चिमी न्यून चापीय वाय ...

आज २०८० साल फागुन १२ ...

काठमाडौं । आज २०८० साल फागुन १२ गते शनिबार तदनुसार सन् २०२४ फेब्रुअरी २४ तारिख। स्वस्थानी व्रत समाप् ...

  • संरक्षक : प्रा.डा.फणिराज पाठक
  • अध्यक्ष तथा प्रबन्ध निर्देशक : राधिका जोशी (९८४९८८६३३०)
  • सम्पादक : बिकल रेग्मी (९८४२१८२६०२)
  • सम्वाददाता : ज्योतिष्णा उपाध्याय
  • इमेल : anupamajoshi600@gmail.com

हाम्रो बारेमा

देशको राजधानी काठमाडौंमा केन्द्रीय कार्यलय स्थापना गरी सत्य, तथ्य र निस्पक्ष सूचना तथा विचार सम्प्रेसण गर्नु कालापानी मिडिया अनलाइनको लक्ष हो । देशको समग्र शिक्षा, स्वास्थ्य, धार्मिक, पर्यटन लगायत विकास, विस्तार र निर्माण अभियानमा हाम्रो उपस्थिति रहनेछ । विकृति, विसंगति र भ्रष्टाचार विरुद्ध हामी सधैँ खबरदारी गर्ने छौं । आवाज विहिनहरुको आवाज बन्ने प्रयत्न गर्नेछौँ । हामी राजनीतिक र गैरराजनीतिक दुवै क्षेत्रमा खबर प्रवाह गर्नेछौं । हामी सुशासनको मुद्दामा दर्बिलो उभिने छौं । राष्ट्रिय हित र जनताको अपेक्षा नै हाम्रो मुख्य मुद्दा हुन् । सञ्चार सञ्जालको राष्ट्रिय शरीर बनाउनु हाम्रो उद्धेश्य हो ।

Copyright © 2019 / 2024 - Kalapanimedia.com All rights reserved