मुकेश कुमार यादव, सिरहा । कोरोना भाइरस फैलिन नदिन सरकारले लक डाउनको आज चौथो दिन अन्य दिनको तुलनामा बढी पालना भएको देखिएको छ ।
लक डाउन उल्लंघनकर्ताहरुलाई स्थानीय प्रशासनले बढी निगरानी बढाएपछि आज सिरहाको सबैजसो बजार, पसल, सडकहरु सुनसान देखिएको छ । सशस्त्र प्रहरी, जनपथ प्रहरी तथा सेना समेत बजार अनुगमनमा निस्किएपछि आजदेखि घर बाहिर मानिसहरुको देखापर्ने क्रम पात्लिएको छ ।
लक डाउनको चौथो दिन भने कृत्रिम रुपमा खाद्यान्न सामाग्रीको अभाव देखिएको छ । मुख्यत खाद्यवस्तुमा कालोबजारी शुरु भएपछि स्थानीय सर्वसाधारणहरु मर्कामा पर्न थालेका छन् ।
एक किलो नुनको मुल्य ४० रुपैयाँ तथा खानेतेल एक लिटर तेलको दुई सय रुपैयाँ असुल्न थालेपछि सर्वसाधारण मारमा परेका हुन् ।कालो बजारी गरिरहेको खबर स्थानीय प्रशासनलाई गराउँदा समेत कालोबजारीमाथि कुनै कार्वाही नगर्दा स्थानीयहरु भने निराश बनेका छ्न ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
