लण्डन । समाजसेवी तथा शैक्षिक परामर्श व्यवसायी विनय अधिकारीले नेपाल प्रेस युनियनका केन्द्रीय अध्यक्ष शिव लम्साललाई बेलायतमा भव्य स्वागत गरेका छन् ।
विभिन्न कार्यक्रममा भाग लिन बेलायत पुगेका लम्सालसहितको टिमलाई अधिकारीले आइतबार स्वागतसहित सम्मान गरेका हुन् । लम्साल अन्तरराष्ट्रिय पत्रकार महासंघको कार्यक्रममा भाग लिन बेलायत पुगेका थिए । कार्यक्रमपछि पुरानामित्रको रुपमा अधिकारीले लम्साललाई स्वागतसहित सम्मान गरेका हुन् ।
लम्सालसँग प्रेस युनियन बेलायतका अध्यक्ष विपिन निरौला र प्रेस युनियन युरोपका संयोजक संजय कंडेलको पनि उपस्थिति रहेको थियो । अधिकारी पनि प्रेस युनियनका सदस्य हुन् ।
अधिकारीले लम्साललाई एनआरएनएको पदाधिकारीका रुपमा स्वागत गरेका थिए । एनआरएनएको पूर्वउपमहासचिव समेत रहेका अधिकारीलाई लम्सालले नेपालमा लगानी गर्न आग्रह गरेका थिए ।
उनको आग्रहलाई अधिकारीले आफूले लगानी गरिरहेको र आगामी दिनमा पनि गर्ने योजना सुनाएका थिए । ‘हामी हाम्रो संकृति, भाषा र पहिचानलाई जोगाई राख्नुपर्छ । मैले यसको जगेर्ना गरिरहेको छु भनेर उहाँलाई आश्वस्त पारें ।’, अधिकारीले भने, ‘उहाले पनि नेपालमा लगानी गर्नका लागि आग्रह गर्नुभएको थियो ।’
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
