काठमाडौं । नेपाल प्रहरीले आफूखुशी गैरहाजिर रहेका १३ कर्मचारीलाई सम्पर्कमा आउन निर्देशन दिएको छ।
प्रहरी प्रधान कार्यालयले जवानदेखि सहायक निरीक्षकसम्मका १३ कर्मचारी दुई महिनादेखि गैरहाजिर रहेको भन्दै एक साताभित्र सम्पर्कमा आउन निर्देशन दिएको हो। आफूखुशी गैरहाजिर रहनेमा एक सहायक निरीक्षक, दुई सहायक हवलदार र आठ जवान छन्।
त्यस्तै दुई जना प्राविधिक जवान पनि छन्। कार्यालयले खोजतलास गराउँदा र प्रक्रिया पूरा गरी सूचना टाँस गरिसक्दा समेत ती प्रहरी कर्मचारी सम्पर्कमा नआएको जनाएको छ।
उनीहरूलाई बाटोको म्यादबाहेक सात दिनभित्र आफूखुशी गैरहाजिर हुनुको कारण खोली सन्तोषजनक स्पष्टीकरणसहित हाजिर हुन आउन कार्यालयले निर्देशन दिएको छ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
