काठमाडौँ । इरानले सेन्ट्रल एशियन भलिबल एसोसिएशन (काभा) महिला नेशन्स लिग प्रतियोगितामा बुधवार श्रीलंकालाई सोझो ३ सेटमा पराजित गर्दै तेस्रो स्थान हासिल गरेको छ।
त्रिपुरेश्वरस्थित राष्ट्रिय खेलकुद परिषद् (राखेप)को कभर्डहलमा इरानले श्रीलंकालाई २५-२२, २८-२६, २५-१७ ले पराजित गर्दै प्रतियोगितामा तेस्रो भएको हो। सेमिफाइनलमा नेपालले इरानलाई र भारतले श्रीलंकालाई ३-० को सोझो सेटमा पराजित गर्दै फाइनल भिडन्त पक्का गरेका थिए।
लिग चरणको खेलमा पनि इरानले श्रीलंकालाई ३-२ को सेटमा पराजित गरेको थियो भने रोमाञ्चक खेलमा नेपाललाई ३-२ सेटले पराजित गरेको थियो।
उपाधिका लागि नेपाल र भारतबीच आजै खेल हुनेछ। फाइनल खेल अपराह्न ५ बजे शुरु हुनेछ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
