काठमाडौँ । नेपाली कांग्रेसका सांसद डा. सुनीलकुमार शर्माको काठमाडौँ मेडिकल कलेज पब्लिक लिमिटेड केएमसीले भदौ १ गतेदेखि बालरोग पेट विशेषज्ञ र न्यूरोलोजी मस्तिष्क विशेषज्ञको सेवा सञ्चालन गरेको छ ।
डा शर्माले सम्हालेपछि केएमसीले अधिक भन्दा अधिक सेवा उद्धेश्य बनाएसँगै भदौ १ गतेदेखि बालरोगका विभिन्न विधासमेत थपेर उपचार सेवालाई थप मजबुत बनाइएको केएमसीका प्रबन्धक एवं प्रमुख प्रशासकीय अधिकृत नारायणप्रसाद दाहालले जानकारी दिए ।
बालरोग विशेषज्ञहरु एसोसिएट प्रोफेसरद्वय डा दिलिप न्यौपाने र डा सन्तोश मिश्रले उक्त सेवा दिइरहेको पनि केएमसीले जनाएको छ । चिकित्सकहरुले बताएअनुसार बालरोग ग्यास्ट्रोएन्टेरोलोजी, हेपाटोलोजी र प्यान्क्रियाटोलोजी बालरोगका विशेष शाखाहरू हुन् जसले शिशु, बालबालिका र किशोरकिशोरीहरूमा पाचन प्रणाली, कलेजो र प्यान्क्रियाज सम्बन्धी समस्याहरूको पहिचान, उपचार, र व्यवस्थापनमा केन्द्रित हुन् छ।
यी प्रत्येक क्षेत्रले बालबालिकाको स्वास्थ्य र कल्याण सुनिश्चित गर्न महत्त्वपूर्ण भूमिका खेल्छन् ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
