पूर्व प्रधानमन्त्री नेपाल महेन्द्रनगरमा

महेन्द्रनगर । नेकपा एकीकृत समाजवादीका अध्यक्ष एबम् पूर्व प्रधानमन्त्री माधव कुमार नेपाल महेन्द्रनगर पुगेका छन् । बेदकोट नगरपालिका ८ गयल नदीमा हुने बेदकोटको गयलनदीमा राष्ट्रिय बुद्धिचाल प्रतियोगिता उद्घाटनका लागि पूर्व प्रधानमन्त्री नेपाल आएका हुन् ।

नेपाल अहिले समाजवादीको पार्टी कार्यालयमा छन् । भाँसीस्थित पार्टी कार्यालयबाट नेपाल प्रतियोगिता उद्घाटनका लागि गयलनदी जाने छन् ।

समाजादीका केन्द्रीय सदस्य लाल बहादुर खड्काले पूर्व प्रधानमन्त्री नेपाल केही समयपछि गयलनदी जाने बताए । नेपालसंगै समाजववादीका समाजवादीका साँसदहरु भानुभक्त जोशी, शेर बहादुर कुँबर लगायतका नेताहरु पनि महेन्द्रनगर आएका छन् । प्रतियोगितामा काँग्रेस केन्द्रीय सदस्य एबम् पूर्व मन्त्री एनपी साउँद लगायतका नेताहरु सहभागी हुन लागेका छन् ।

काठमाडौँ स्पोर्ट्स एकेडेमी र नेपाल बुद्धिचाल महासंघले बेदकोट नगरपालिका ६ सित सहकार्य गरी बुद्धिचालका तीन विधामा प्रतियोगिता आयोजना गर्न लागेको हो । गयलनदीस्थित बैजनाथ माध्यमिक विद्यालयमा प्रतियोगिता आयोजना गर्न लागिएको छ । बुद्धिचाल खेलको आधिकारिक च्याम्पियनशीप दोस्रो राष्ट्रिय ¥यापिड बुद्धिचाल च्याम्पियनशीप–२०८१, प्रथम राष्ट्रिय ब्लिट्ज बुद्धिचाल च्याम्पियनशीप–२०८१ र तेस्रो नेकोस राष्ट्रव्यापी फिडे रेटिङ्ग बुद्धिचाल प्रतियोगिता–२०८१ आयोजना हुन लागेको हो ।

प्रतियोगिताको सम्पूर्ण तयारी पूरा भएको प्रतियोगिता संयोजक नारायण गोबारले बताए। उनका अनुसार प्रतियोगिता कार्तिक ७ सम्म चल्ने छ । प्रतियोगितामा ६५ जना खेलाडीको सहभागीता रहने आयोजकले जनाएको छ। यो प्रतियोगितामा बेदकोट नगरपालिका–८ सह–आयोजक बनेको छ ।

तेस्रो नेकोस राष्ट्रव्यापी फिडे रेटिङ्ग बुद्धिचाल प्रतियोगिता–२०८१ के प्रथम पुरस्कार ६० हजार छ । प्रतियोगितामा प्रथम स्थान हासिल गर्नेसहित २५ खेलाडीलाई २ लाख ५५ हजार रुपैयाँ प्रदान गरिने आयोजकले जनाएको छ । दोस्रो राष्ट्रिय ¥यापिड बुद्धिचाल च्याम्पियनशीप–२०८१ को प्रथम स्थान हासिल गर्ने खेलाडीलाई ३० हजार रुपैयाँ प्रदान गरिने छ। यो प्रतियोगितामा प्रथमसहित २० खेलाडीका लागि १ लाख ३१ हजार ५ सय राशी छ ।

प्रथम राष्ट्रिय ब्लिट्ज बुद्धिचाल च्याम्पियनशीप–२०८१ को प्रथम पुरस्कार राशी २५ हजार राखिएको छ। प्रथम सहित २० जना खेलाडीलाई ८३ हजार ५ सय पुरस्कार प्रदान गरिने छ ।