काठमाडौं । अस्वस्थ भएर नर्भिक अस्पताल भर्ना हुनुभएकी मुमा बडामहारानी रत्न राज्यलक्ष्मी शाहलाई निमोनिया पुष्टि भएको छ।
९७ वर्षिया मुमा बडामहारानी शाहको स्वास्थ्यमा अचानक समस्या आएपछि आइतबार साँझ थापाथलीस्थित नर्भिक अस्पताल भर्ना गरिएको थियो। परीक्षणको क्रममा उहाँलाई निमोनिया भएको उहाँको उपचारमा संलग्न चिकित्सकहरूलाई उल्लेख गर्दै उहाँका निजी सचिव शम्भु अधिकारीले जानकारी दिए। सचिव अधिकारीले निमोनिया लगायतको समस्या देखिएपछि हाल उहाँलाई हाइ कियर युनिटमा राखेर उपचार भइरहेको बताए ।
नर्भिक अस्पतालका कार्डियोलोजिस्ट डाक्टर यादव भट्ट आर्मीका डा.किशोरजंग राणा सहितको टिमले उहाँको उपचार गरिरहेको जनाइएको छ।
उहाँ राजा महेन्द्र वीर विक्रम शाहको दोश्रो पत्नी हुनुहुन्छ । काठमाडौंको रत्नपार्क, रत्नराज्य क्याम्पस, उहाकै नाममा बनेको हो। उहाँ नारायणहिटी दरवार परिसरमा उहाँका श्रीमान स्व. राजा महेन्द्रले बनाएको महेन्द्र मञ्जिलमा बस्दै आउनु भएको छ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
