१७ चैत, काठमाडौं । जापानका हास्य कलाकार केन शिमुराको कोरोना भाइरसका कारण मृत्यु भएको छ । ७० वर्षका शिमुराको भाइरसका कारण आइतवार बेलुका निधन भएको हो ।
मिडिया रिपोर्टका अनुसार सोमवार विहान उनको कोरोना भाइरसका कारण निधन भएको पुष्टि भएको हो । शिमुरा देशका एकदमै चर्चित हास्य कलाकार थिए उनले आफ्नो करियरको शुरुवात ७० को दशकमा गरेका थिए ।
उनले २० मार्चमा रुघाखोकी र निमोनिया भएको बताएका थिए । त्यसपछि उनलाई अस्पताल भर्ना गरिएको थियो । २३ मार्चमा उनलाई कोरोना पोजिटिभ पाइएको थियो । कोरोना टेस्ट पोजिटिभ पाइएका उनी नै पहिला जापानी सेलीब्रेटी थिए । उनको वास्तविक नाम नामयासुनोरी शिमुरा थियो ।
उनले ७० देखि ८० को दशकमा जापानका घरघरमा नाम कमाएका थिए । उनले चर्चित टिभी शोमा पनि काम गरिसकेका थिए । जापानमा अहिलेसम्म कोरोना भाइरसका कारण ५४ जनाको मृत्यु भईसकेको छ । साथै जापानमा १ हजार ८ सय ६६ जनामा भाइरसको संक्रमण देखा परेको छ ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
