गुल्मीको धुर्कोट गाउँपालिकाले सुरु गर्यो, विपन्न परिवारलाई राहत वितरण

१८ चैत, गुल्मि । विश्वमै महामारीको रुपमा फैलिएको कोराना भाइरस (कोभिड १९)कारण यति बेला विश्वनै तर्सित बनेको छ । कोरोना भाईरसका कारण सबै भन्दा बढी समस्या दैनिक ज्याला मजदुरी गर्न श्रमिक हरुलाई परेको छ ।

नेपाल सरकारले लक डाउनको घोषणा र कडा निगरानीका साथ लकडाउन लाई कार्यन्वन गर्न थाले पछि पछिल्लो समय गरिव तथा विपन्न परिवारको घरमा चुल्लो बल्न धौ धौ पर्दै गईरहेको समयमा धुर्कोट गाउँपालिकाले भने उदाहरणी कार्य गरेको छ । धुर्कोट गाउँपालिका वडा नम्बर सात वाग्ला बाट गरिब तथा विपन्न परिवारलाई राहत वितरण कार्यको सुरुवात गरिएको वडा नम्बर सातका वडा अध्यक्ष तथा विपद व्यवस्थापन समितीका संयोजक हिम प्रसाद पन्थीले जानकारी दिए ।

वडा नम्बर सातका ६० घर विपन्न तथा अशक्त परिवार लाई राहत वितरण गरिएको हो । जसमा अति अपाङ्ग सात,एकल महिला सात,एकल पुरुष सात,जेष्ठ नागरिक तीन, बेसहारा एक र अति विपन्न ३४ घर गरि कुल ६० जनालाई २५ किजि चामल,नुन र तेल एक एक पोका र पाँच केजि आलु प्रदान गरिएको वडा अध्यक्ष पन्थीले बताए ।

साथै दोस्रो चरणको राहत केही समय पछि प्रदान गर्ने तयारी भैइरहेको वडा अध्यक्ष पन्थिको भनाई रहेको छ । बिहिवार गाउँपालिकाका अध्यक्ष भुपाल पोख्रेल ,उपाध्यक्ष शिव बहादुर केसि , प्रमुख प्रशासकीय अधिकृत काशिराम पन्थी ,स्थानीय समाजसेवी तथा बुद्धिजिविको उपस्थितिमा राहत वितरण गरिएको हो ।

आवश्यक बजेट गाउँपालिकले व्यवस्था गर्ने र गाउँपालिकाका अन्य वडाहरुमा पनि छिटै राहत वितरण गर्न धुर्कोट गाउँपालिकाका प्रमुख प्रशासकीय अधिकृत काशिराम पन्थीले बताए । साथै भोलि पर्न गएको हिन्दुहरुजो पर्व रामनवमी अर्थात चैते दशैमा धुर्कोट गाउँपालिकाका कुनै पनि मन्दिरमा पुजा नहुने र कसैको घरमा पाहुन पर्न नजान र पाहुन नबोलाउन गाउँपालिकाले अनुरोध समेत गरेको छ ।