भाजपा नेता विजय जोलि भन्छन नेपाली जनता हिन्दू राष्ट्र चाहन्छन्

भारतीय जनता पार्टी (भाजपा)ले काठमाडौंमा नै पत्रकार सम्मेलन गरी नेपाली जनताको भावना हिन्दू राष्ट्र बनाउने रहेको धारणा प्रकट गरेको छ।

भाजपाका तर्फबाट नेपाल भ्रमणमा रहेका नेता बिजय जोलीले पत्रकार सम्मेलन गरी बुधबार यस्तो बताएका हुन्। ‘हिन्दू राष्ट्रका लागि नेपाली जनतामा गहिरो भावना रहेको मैले बुझेको छु’इन्स्टिच्युट फर पब्लिक पोलिसी एन्ड पार्टनरसिपको निमन्त्रणामा चार दिने भ्रमणमा रहेका जोलीले भने,‘यत्रो जनताले चाहेको विषयमा म साथ दिन्छु।’

उनले राष्ट्रपति रामचन्द्र पौडेल, विभिन्न दलका शीर्ष नेताहरूसँग भेटघाट गरेका थिए। नेपालका ८१ प्रतिशत हिन्दू जनताले नेपालमा हिन्दू राष्ट्र चाहने बताउँदै उनले यसका लागि प्रयास गर्छन् भने त्यसमा आफ्नो साथ रहने बताए।

उनले जनताको यो मूल भावनालाई ध्यानमा राखेमा देशको लोकतन्त्र झन् बलियो हुने बताए। यो चार दिनको भ्रमणमा नेपाली जनताको भावना थाहा पाएको बताउँदै उनले यसमा यहाँका राजनीतिक दलले पुनःविचार गर्ने हो कि भन्ने आशा आफूमा रहेको बताए ।

उनले सन् २०२१ मा प्रधानमन्त्री केपी शर्मा ओलीले चितवनमा प्रभु रामको जन्म भएको भन्ने अभिव्यक्तिलाई स्मरण गर्दै भने, ‘राम मन्दिर निर्माणको सन्दर्भमा ओलीले दिएको निर्देशन मेरो मस्तिष्कमा अझै ताजै छ। नेपाल–भारतको साझा सांस्कृतिक मूल्यमान्यता गहिरो छ।’ ने

पालमा गणतन्त्र बिरोधी आन्दोलनको घोषणा भएको पूर्वसन्ध्यामा जोलीको यो भनाई अर्थपूर्ण छ। राप्रपालगायतका राजावादी दल र समूहले हिन्दू राष्ट्रसहितको राजसंस्थाका निम्ति आगामी १५ गतेदेखि आन्दोलनको घोषणा गरिसकेका छन्।