काठमाडौं । राजसंस्था पुनर्स्थापना संयुक्त जनआन्दोलन समितिका संयोजक नवराज सुवेदीले स्वतन्त्र सांसद अमरेश कुमार सिंहलाईपनि सहकार्यका लागि प्रस्ताव पठएका छन।
सुवेदीले राजावादी पत्रकार राधिका जोशी,राप्रपा केन्द्रिय सदस्य उदयराज पोखरेल लगायत मार्फत पत्र नै पठाएर राजावादी आन्दोलनमा सहकार्यको प्रस्ताव गरेका हुन्। उनले वर्तमान राजनीतिक व्यवस्थाले नेपाली जनताको सुशासन, समृद्धि र राष्ट्रिय पहिचानका अपेक्षाहरू पूरा गर्न असफल भएको सन्दर्भमा आफुहरुलाई यस्तो व्यवस्था परिवर्तनमा साथ दिन आग्रह पनि गरेका छन ।
बिगत केही वर्ष देखी सिंहले संसदमा जन आवाज, भ्रष्टाचार तथा हालको व्यवस्था अन्तर्गत निष्पक्ष आवाज उठाइरहेका कारण उनलाई यो पत्र पठाएको राजसंस्था पक्षधरहरुले बताएका छन ।
"पत्रमा लेखिएको छ, राज्यका प्रमुख संवैधानिक तथा न्यायिक अंगहरू दलिय हस्तक्षेप र दलियकरणको गम्भीर शिकार बनिसकेको सन्दर्भमा यस व्यवस्थाबाट तपाईंहरू पनि सन्तुष्ट हुनुहुन्न भन्ने हाम्रो बुझाइ छ । यसैले वर्तमान व्यवस्था परिवर्तन गर्नु आजको ऐतिहासिक आवश्यकता हो भन्ने कुरामा हामीबीच साझा समझदारी हुन सक्ने आशा लिएको छु ।"
यता, सिंहले पनि देश र जनताको पक्षमा हुने आन्दोलनमा आफ्नो समर्थन हुने बताएका छ्न ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
