काठमाडौं । राजा ज्ञानेन्द्र शाहले शीर्ष ४ जना राजावादी नेताहरुसँग आज सामूहिक भेटवार्ता गर्नुभएको छ । आज दिउँसो १२:३० बजे सोल्टी होटलमा लन्चसहित करिब डेढ घन्टा कुराकानी भएको स्रोतले बताएको हो।
आगामी १५ जेठ देखी सुरु हुने संयुक्त जनआन्दोलन लाई प्रभावकारी र निर्णायक बनाउने दौडधुपमा रहेका राजावादी नेताहरुले यसैको सरसल्लाहका लागि राजासँग भेटेका हुन् ।
भेटमा संयुक्त जनआन्दोलनलाई कसरी प्रभावकारी बनाउने तथा राजावादीहरुबीच आपसी समझदारी र विश्वास बढाउने विषयमा कुराकानी भएको जनाइएको छ । तर, राजावादीहरुले भने छलफल केवल औपचारिकता मात्र नभएर वर्तमान राजनीतिक अवस्थाको गम्भीर मूल्याङ्कन र भावी राष्ट्रिय दिशानिर्देशनको संकेत भएको बताएका छन ।
उनिहरुले यस भेटलाई राष्ट्रहित र वैकल्पिक व्यवस्थाको खोजीमा भएको ठोस राजनीतिक संवादका रुपमा हेरेका छन । हुनपनी राजा स्वयंले यतिबेला देशको विगत, वर्तमान र भविष्यप्रति गम्भीर चिन्ता व्यक्त गर्दै राष्ट्रवादी शक्तिहरूलाई एकताबद्ध हुने सन्देश दिनुभएको छ ।
संयुक्त जनआन्दोलन समितिका संयोजक नवराज सुवेदी, राप्रपा अध्यक्ष राजेन्द्र लिङदेन, राप्रपा नेपालका अध्यक्ष कमल थापा र राष्ट्रिय शक्ति नेपालका अध्यक्ष केशरबहादुर बिष्ट राजा भेट्न सोल्टी होटल गएका थिए ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
