काठमाडौँ । गत चैत्र १५ गते तीनकुनेमा भएको राजावादी आन्दोलनका क्रममा प्रहरीले हानेको गोली लागेर गम्भीर घाइते भएकी रेविका खत्रीलाई संयुक्त जनआन्दोलन समितिले ८ लाख ३९ हजार ४०० रुपैयाँ रकम हस्तान्तरण गरेको छ ।
उक्त समयमा फोहोर तथा भौतिक क्षति भएको भन्दै काठमाडौँ महानगरपालिकाका मेयर बालेन साहले जरिवाना काटेका थिए । राजा ज्ञानेन्द्र शाहको नाममा जरिवाना काटेपछि नवराज सुवेदी वा दुर्गा प्रसाईंको नाममा जरिवाना काट्न माग गर्दै पैसा आफूहरूले दिने भन्दै युरोपमा बस्ने समर्थकहरूले रकम उठाएका थिए । सोहीअन्तर्गत पोर्चुगलबाट उठेको रकम महाराजगञ्जस्थित शिक्षण अस्पतालमा पुगेर संयुक्त जनआन्दोलन समितिका संयोजक नवराज सुवेदीलगायतको टोलीले उनलाई बुझाएको हो ।
पोर्चुगलमा बस्दै आएका पूर्व वाणिज्यदुत रमेश बास्तोलाले यो अभियान सुरु गरेका थिए ।
प्रतिक्रिया दिनुहोस
Copyright © 2019 / 2025 - Kalapanimedia.com All rights reserved
