काठमाडौं : जेन-जी पुस्ताको आन्दोलनका क्रममा प्रहरीको गोली लागेर हालसम्म ३ जनाको मृत्यु भएको छ। काठमाडौंको मीनभवनस्थित सिभल अस्पताल, नयाँबानेश्वरको एभरेष्ट अस्पताल र ट्रमा सेन्टरमा एक-एक जनाको मृत्यु भएको हो।
मृतक तीनै जना युवकको परिचय खुलेको छैन। प्रदर्शनका क्रममा एक सयभन्दा धेरै प्रदर्शनकारी घाइते भएको स्वास्थ्य मन्त्रालयले जनाएको छ। मन्त्रालयका सचिव डा. विकास देवकोटाका अनुसार घाइतेहरूको मीनभवनस्थित सिभिल अस्पताल, बानेश्वरको एभरेष्ट अस्पताल, वीर अस्पताल, ट्रमा सेन्टर र पाटन स्वास्थ्य विज्ञान प्रतिष्ठानमा उपचार भइरहेको छ।
काठमाडौंमा भएको आन्दोलन नियन्त्रण गर्न नसकेपछि प्रहरीले प्रदर्शनकारीमाथि पानीका फोहरा र अश्रुग्यासका साथै रबरका गोली हानेको थियो। जिल्ला प्रशासन कार्यालयले कर्फ्यु लगाए पनि काठमाडौंमा युवाहरूको प्रदर्शन रोकिएको छैन। सडकमा नेपाली सेना समेत परिचालन गरिएछ ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
