काठमाडौं । आगामी २१ फागुनका लागि तय भएको प्रतिनिधिसभा निर्वाचनका लागि झापा– ५ मा राप्रपाले प्रत्यक्षतर्फ युवा नेता गोपाल पौड्याललाई सिफारिस गरेको छ ।
राप्रपाका केन्द्रीय सदस्य तथा सञ्चारकर्मीसमेत रहेका पौड्यालले यसअघि स्थानीय तह निर्वाचनमा गौरादह नगरपालिकामा राप्रपाबाट मेयरमा प्रतिस्पर्धा गरेका थिए । एमाले अध्यक्ष तथा पूर्वप्रधानमन्त्री केपी ओली चुनाव लड्दै आएको उक्त क्षेत्र एमालेको गढ रूपमा चिनिन्छ ।
यद्यपि राप्रपा सङ्ग तालमेल नगरेमा भने ओलिलाई पनि त्यस क्षेत्रबाट जित्न मुस्किल पर्ने स्थानियको भनाई छ । अघिल्लो निर्वाचनमा पनि ओलि र राप्रपा अध्यक्ष लिङ्गदेनले तालमेल गरेर नै निर्वाचन जितेको बताउदै उनिहतु भन्छन ,"यता राजेन्द्र लिङ्गदेन सङ्ग कुरा नमिलाई ओलिलाई निर्वाचन जित्न गारो छ, उता ओलि सङ्ग तालमेल नगरे लिङ्गदेनलाई गारो छ, यहाँ राप्रपाको पनि राम्रै मत छ, अब गोपाल जिलाई उम्मेदवारी दिने भन्ने सल्लाह भएको छ राम्रै होला । गोपाल जि पनि लामो समय (विध्यार्थी राजनीति)देखि पार्टीमा होमिएर लाग्नुभएको हो, अब पालो दिनुपर्छ, ।"
०४८ देखि त्यस क्षेत्रबाट चुनाव लड्दै आएका ओली ०६४ को पहिलो संविधानसभा निर्वाचनमा माओवादीका विश्वदीप लिङ्देनसँग पराजित भएका थिए । त्यसबाहेक अरू सबै संसदीय निर्वाचनमा ओली विजयी हुँदै आएका छन् ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
