काठमाडौं । राप्रपा नेतृ खुस्बु ओलीले २०२८ सालमा झापा क्रान्तिका नाममा मारिएका २२ वर्षे ज्ञानेन्द्र ढकाललाई पहिले जेनजी शहीद घोषणा गर्न माग गरेकी छन् ।
राप्रपाले शनिवार विर्तामोडमा आयोजना गरेको जनसभालाई सम्बोधन गर्दै युवा नेता ओलीले राजनीतिकरुपमा हत्या गरिएका पहिलो जेनजी ज्ञानेन्द्र ढकाल भएको बताएकि हुन् ।
उनले भनिन्– २०२८ सालमा बनारसबाट एमएससी अध्ययन पूरा गरेर स्वदेश फर्किएका २२ वर्षे युवा ज्ञानेन्द्र प्रसाद ढकाललाई, घर फर्किएको दिनमै उनका पिता धर्मप्रसाद ढकालसहित हत्या गरियो ।
यो घटना अहिलेको जेनजी जस्तै नवयुवा पुस्तामाथि भएको पहिलो राजनीतिक हत्या थियो। त्यसैले ज्ञानेन्द्र प्रसाद ढकाललाई पहिलो जेनजी शहीद घोषणा गर्न माग गर्छु । " एमाले अध्यक्ष केपि ओलिको नामै लिएर उनले भनिन, ओलि ज्यु तपाईंको राजनीति २२ बर्षका जेन्जिलाई हत्या गरेर सुरु भएको थियो, अहिले फेरि आएर राजनीतिको उत्तरार्धमा ७६ जना जेन्जीको मृत्युुबरण सङ्गै तपाईंको सत्ता उनीहरुको रगतमा लत्पतिएको छ । उनले अगाडी थपिन झापा जिल्ला लालकिल्ला भनियो तर रगतको लालकिल्ला बनाएर छाडे कम्युनिस्टहरुले।,
तत्कालीन झापा क्रान्तिको चरणमा वर्गशत्रु सफाय अभियान अन्तर्गत जमिनदारको हत्या गर्ने नाममा सो घटना भएको थियो ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
