मस्को : रूसले अमेरिकाले इरानलाई वार्तामा झुलाउन मात्रै खोजेको आरोप लगाएको छ। अमेरिका कहिले पनि इरानसँग कुनै पनि सम्झौतामा पुग्न नचाहेको रूसको दावी छ।
रूसी विदेश मन्त्रालयले इरानमाथि अमेरिकी र इजरायली आक्रमण तुरुन्तै रोक्न आह्वान गरेको छ। उसले परिस्थितिलाई ‘राजनीतिक र कूटनीतिक समाधानको बाटोमा फिर्ता ल्याउनुपर्ने’ बताएको छ। विदेश मन्त्रालयले भनेको छ - अन्ताराष्ट्रिय समुदायले तुरुन्तै यस क्षेत्रमा थप अस्थिरता निम्त्याउने गैरजिम्मेवार काम रोक्नुपर्छ।
पारस्परिक सम्मान र हितको सन्तुलनमा आधारित शान्तिपूर्ण समाधान खोज्न आफूले सहयोग गर्न तयार रहेको बताएको छ। यसैबीच रूसी सुरक्षा परिषद्का उपाध्यक्ष दिमित्री मेदवेदेवले अमेरिकाले इरानसँगको आणविक वार्तालाई सैन्य कारबाही गरी ढाकछोपको रूपमा प्रयोग गरेको आरोप लगाएका छन्। "शान्ति कायम गर्ने शक्ति अमेरिकाले फेरि एकपटक आफ्नो वास्तविक रंग देखाएको छ"‚ मेदवेदेवले भने‚ "इरानसँगका सबै वार्ता ढाकछोप गर्ने कुरा मात्रै हुन्। यसमा कसैलाई शंका छैन। वास्तवमा अमेरिका कुनै पनि कुरामा सहमत हुन चाहँदैनथ्यो।" रूस इरानको परम्परागत घनिष्ठ मित्र हो। रूसले इरानलाई धेरै हतियार बेचेको छ। दुई देशहरूले संयुक्त सैन्य अभ्यास पनि गर्छन्।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
