तरकारीमा मनलाग्दी भाउ,सरकारी अनुगमन छैन

२१ चैत, काठमाडौं । कालीमाटीमा तरकारीको थोक मूल्य घटेको छ । तर खुद्रा बजारमा भने तरकारीको भाउ छोइनसक्नु छ । कालीमाटी फलफूल तथा तरकारी बजार विकास समितिका सदस्य नवीन शाहिका अनुसार अघिल्लो साताको तुलनामा यो साता तरकारीको भाउ ५० प्रतिशतसम्म घटेको हो।
शाहीले बजारमा तरकारी नियमित आइरहेकाले अघिल्लो साताको तुलनामा यो साता तरकारीको थोक मूल्य घटेको बताएका हुन् । कालीमाटीमा प्रतिकेजी गोलभेँडा ३८ रुपैया, बन्दा ३३ रुपैया, काउली स्थानीय २२ रुपैया, घिउसिमी २२ रुपैया, सेतो मुला १९ रुपियाँ थोकमा कारोबार भइरहेको छ । तर, खुद्रा बजारमा यी तरकारीको भाउ तिन चार गुना महँगो छ । पसलै पिच्छे भाउ तोकिएको छ ।

यसबारेमा कालीमाटी फलफुल तथा तरकारी वजार विकास समितिका सदस्य नबिन शाही भन्छन् "कालीमाटीबाट होलसेलमा लगेर खुद्रा व्यापारीले उपभोक्ताको ढाढ सेक्ने गरि मुल्य निर्धारण गरेको हामीले पनि सुनेका छौ ।"

उनले भने, "यो कुरा त सरकारले पनि सुनेको छ । तर के गर्नु पशुपतिनाथलाई साक्षी रोखेर भन्ने हो भने नेपालमा राज्य नै कमजोर छ । यतिका दिन भयो कोरोना सर्छ भदै लकडाउन गरिएको । तर, यो कालीमाटी र अन्य व्यापारीक क्षेत्रमा कतै पनि उपभोक्तको सुरक्षाकालागि कुनै कार्य गरिएको छैन । कालीमाटीमा हुलका हुल व्यापारी तथा उपभोक्ताहरु तरकारी लिन आउछन्, उनिहरुकालागि साबुन पानी, सेनिटाइज त परको कुरा एउटा जरो नाप्ने उपकरण सम्म पनि छैन । सामान खरिद गर्दा तिन मिटरको दुरी कायम लगर्नुपर्ने भनिएको छ, यहाँ त्यो पनि देखिदैन । हामीले यसलाई व्यवस्थापन गर्न पटक पटक समितिमा छलफल गरयौ । तर केही उपाय लागेन । यहाको अवस्था कहाली लाग्दो छ, उनले भने ।" 

उनले अगाडी थपे." यो देशमा माथीको आदेश नआए काम गर्ने भनेको प्रहरी रहेछ । अरु निकाय सब बेकार हुन कसैलै सहि काम गरेको छैन । त्यसैले शुक्रबार पनि समितिको बैठक बसेर तरकारी बाट्दा प्याकेज बनाएर अभाव भएको ठाउँमा बाट्नु पर्ने निणर्य गरेका छौ, निर्णय मन्त्रालयले कति लागु गर्छ ।,"

उसोत शुक्रबाट कालीमाटीबाट खुद्रा र मोटरसाईकलमा तरकारी ओसार्न दिएको छैन । होलसेलर त्यसमा पनि जसले गाडी लिएर आउँछ त्यसलाई बोरा नै नखोली दिने निर्णय समितले गरेको छ । मोटरसाईकललाई किन रोक्नु भयो त ? भन्ने हाम्रो जिज्ञासामा साहीले भने मोटरसाईकलमा आउने भनेको सना खुद्रा व्यापारी हुन् तिनले यताबाट दुई तिन पटक तरकारी ओसार्ने तर लगेको तरकारीमा २/४ रुपैया नाफा खाए त के तिन गुण बडि लिएर उपभोक्ता ठग्ने काम पनि तिनैले गरेका छन् र बजामा भिड पनि तिनकै कारण भएको बताए ।