एजेन्सी । सुडानको राजधानी खार्तुममा लामो समयको द्वन्द्वपछि अहिले प्रचण्ड गर्मी र अनियन्त्रित विद्युत् कटौतीले जनजीवन अति कष्टकर बनेको छ।
विद्युत् अभावका कारण खाद्य भण्डारण, स्वास्थ्य सेवा र व्यापार व्यवसाय पूर्ण रूपमा प्रभावित भएका छन्। फ्रिज नचल्दा इन्सुलिनजस्ता संवेदनशील औषधि र खाद्य सामग्री बिग्रिएका छन् भने अत्यधिक गर्मीका कारण स्थानीय बासिन्दाहरू खुला आकाशमुनि बस्न बाध्य छन्। व्यवसायीहरूले इन्धनको मूल्यवृद्धिका कारण जेनेरेटर चलाउन नससिएको गुनासो गरेका छन्।
यता, ऊर्जा तथा पेट्रोलियम मन्त्रालयले माग बढेका कारण समस्या आएको जनाउँदै मर्मतसम्भारमार्फत हाल २६० मेगावाट विद्युत् राष्ट्रिय प्रसारण लाइनमा जोडिएको र छिट्टै कुल क्षमता ६०० मेगावाट नाघ्ने प्रतिबद्धता जनाएको छ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
