काठमाडौँ । नेपाल कम्युनिस्ट पार्टी (नेकपा) का सहसंयोजक तथा पूर्वप्रधानमन्त्री माधवकुमार नेपालले देशको अस्तित्वको रक्षा गर्नु अहिलेको सबैभन्दा ठुलो चुनौती रहेको बताएका छन्।
२९औँ तुलसीलाल स्मृति दिवसका अवसरमा आइतबार ललितपुरको च्यासलमा आयोजित कार्यक्रमलाई सम्बोधन गर्दै नेता नेपालले देशको स्वाभिमान बचाउने कुरा अहिले प्रमुख रूपमा मुखर भएर आएको बताएका हुन्।
‘विदेशीको क्रिडाभूमि बन्नबाट देशलाई जोगाउने चुनौती हाम्रो सामुमा छ,’ नेता नेपालले भने, ‘हाम्रो देश कुनै देशको पछि लाग्न चाहँदैन, कसैको अधीनमा पनि रहन चाहँदैन। कसैको विरोधमा पनि जान चाहँदैन, सबैसँग मैत्रीभाव राख्दछ।’
सोही क्रममा नेता नेपालले नेपाली जनताको ठुलो त्याग र बलिदानबाट प्राप्त संविधान, लोकतन्त्र, गणतन्त्र र सङ्घीयतालाई हर हालतमा जोगाउनुपर्ने जिम्मेवारी सबैको काँधमा रहेको स्पष्ट पारे। उनले निरङ्कुश पञ्चायती व्यवस्थाविरुद्ध लोकतन्त्र स्थापनाका लागि नेता तुलसीलाल अमात्यले पुर्याएको महत्त्वपूर्ण योगदानको समेत विशेष चर्चा गरेका थिए।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
