काठमाडौं, २० साउन। राष्ट्रिय प्रजातन्त्र पार्टी (राप्रपा) बाट अलग भई छुट्टै राजनीतिक अभियान सञ्चालन गर्दै आएका डा. धवल शमशेर जबरा राणा तथा नागरिक अभियन्ता दुर्गा प्रसाईंले नयाँ राजनीतिक दल गठन गर्ने निर्णय गरेका छन्।
लामो समयदेखि जारी आन्तरिक छलफल र परामर्शपछि उनीहरूले ‘जय नेपाल पार्टी’ नामक नयाँ दल स्थापना गर्ने सहमति गरेका हुन्। प्राप्त जानकारीअनुसार पार्टीको सभापतिमा डा. धवल शमशेर जबरा राणा रहनेछन् भने सर्वोच्च नेताको जिम्मेवारी नागरिक अभियन्ता दुर्गा प्रसाईंले सम्हाल्नेछन्।
नयाँ दललाई औपचारिक मान्यता दिलाउन उनीहरू साउन २८ गते निर्वाचन आयोगमा दल दर्ताका लागि निवेदन दिने तयारीमा रहेका छन्। त्यसका लागि आवश्यक कागजी प्रक्रिया, संगठन विस्तार तथा अन्य व्यवस्थापकीय तयारी तीव्र रूपमा अघि बढाइएको जनाइएको छ।
नयाँ पार्टी गठनसँगै आगामी राजनीतिक गतिविधि, संगठन विस्तार र नीति–कार्यक्रम सार्वजनिक गर्ने तयारीसमेत भइरहेको नेता सगुन सुन्दर लावतिले जानकारी दिए ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
