धनगढी / सुदूरपश्चिम नवनिर्मित जयनेपाल पार्टीका अध्यक्ष डा. धवलशमशेर राणा सुदूरपश्चिम क्षेत्रको सङ्गठन विस्तार तथा राजनीतिक भ्रमणका क्रममा छन्।
भ्रमणका क्रममा उनले स्थानीय नेता, कार्यकर्ता तथा जनसमुदायसँग भेटघाट गरी देशको समग्र रूपान्तरणका विषयमा महत्वपूर्ण विचार–विमर्श गरेका छन। छलफलका क्रममा डा. राणाले देशमा आमूल आर्थिक रूपान्तरणमार्फत जनताको जीवनस्तर उकास्ने, वैदिक सनातन हिन्दु धर्म तथा मौलिक संस्कृतिको जगेर्ना गर्ने र एक सशक्त एवं सन्तुलित विदेश नीति कायम गर्ने प्रतिबद्धता व्यक्त गरे।
आगामी निर्वाचनलाई लक्षित गर्दै उनले देशका ज्वलन्त समस्या र जनताका वास्तविक मुद्दाहरूलाई केन्द्रमा राखेर दीर्घकालीन तथा समाधानमुखी नीति अघि बढाउने विषयमा गहन छलफल गरेका छन। "परिवर्तनका लागि नयाँ सोच र जनताको समृद्धिका लागि नयाँ संकल्पका साथ जयनेपाल पार्टी अघि बढ्छ," अध्यक्ष डा. राणाले बताए।
यतिबेला पार्टीले देशका विभिन्न जिल्लाहरूमा सङ्गठन निर्माण तथा विस्तार अभियानलाई तीव्र बनाएको छ। सुदूरपश्चिम भ्रमणले स्थानीय कार्यकर्ताहरूमा नयाँ उत्साह छाएको पार्टीका केन्द्रिय सदस्य चन्द्रकान्त भण्डारीले जनाए ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
