सुदूरपश्चिममा गरियो ६२ सय बढिको कोरोना परीक्षण

धनगढी : सुदूरपश्चिमबाट संकलन गरीएका ६ हजार दुई सय बढि नमूनाको पीसीआर र ¥यापिड टेस्ट बिधी मार्फत कोरोना परीक्षण गरिएको छ। प्रदेश स्वास्थ्य आपतकालिन केन्द्रं डोटीका अनुसार आज सम्म पीसीआर प्रविधिबाट एक हजार ८ सय ९३ र ¥यापिड टेस्ट मार्फत चार हजार तीन सय ३३ जना गरी अहिले सम्म ६ हजार दुई सय २६ जनाको कोरोना परीक्षण गरिएको हो।

¥यापिड टेस्ट गरिएका सबैको रिपोर्ट नेगेटिभ आएको छ भने पीसीआर प्रविधिबाट परीक्षण गरिएका ५ जनाको रिपोर्ट पोजेटिभ आएको स्वास्थ्य आपतकालिन केन्द्रले जनाएको छ। धनगढीमै स्थापना भएको आरटिपीसीआर मेसिनमा रुकुमका थप दुई जनाको रिपोर्ट पोजेटिभ आएपनि राष्ट्रिय जनस्वास्थ्य प्रयोगशालामा परीक्षण हुन बाँकी भएको हुँदा अहिले सम्म पुष्टि गरिएको छैन्।

अहिले सम्म सुदूरपश्चिमबाट ६ हजार ८ सय ७४ जनाको नमूना संकलन गरिएकोमा अझै ६ सय ४८ जनाको रिपोर्ट आउन बाँकी रहेको प्रदेश स्वास्थ्य आपतकालिन केन्द्र डोटीले जनाएको छ। आज मात्रै सुदूरपश्चिम प्रदेशबाट कोरोनाको पीसीआर प्रविधिबाट थप चार सय १६ जनाको नमूना परीक्षण गरिएको छ।

आज धनगढीमा स्थापना भएको प्रयोगशाला र राष्ट्रिय जनस्वास्थ्य प्रयोगशालाबाट चार सय १६ जनाको नमूना परीक्षण गरिएकोमा सबैको रिपोर्ट नेगेटिभ आएको छ। यस्तै आज मात्रै सुदूरपश्चिमका ८ सय २४ जनाको ¥यापिड टेस्ट गरिएकोमा सबैको रिपोर्ट नेगेटिभ आएको छ। 

सुदूरपश्चिममा अहिले सम्म सबैभन्दा बढि प्रदेशको राजधानी कैलालीमा दुई हजार चार सय २९ जनाको ¥यापिड टेस्ट गरिएको छ। यस्तै कञ्चनपुरमा ४ सय ६८, बैतडीमा एक सय ८१, दार्चुलामा एक सय ५१, डडेल्ुधरामा ११, डोटीमा चार सय १४, बझाङमा चार सय ७३, अछाममा एक सय ४३ र बाजुरामा ६३ जनाको ¥यापिड टेस्ट गरिएकोमा सबैको रिपोर्ट नेगेटिभ आएको स्वास्थ्य आपतकालिन केन्द्रले जनाएको छ। 

यस्तै अहिले सम्म विभिन्न अस्पतालको आईसोलेसनमा राखिएका ८७ जनालाई डिस्चार्ज गरिएको छ। उनीहरुको कोरोना परीक्षण रिपोर्ट नेगेटिभ आएपछि डिस्चार्ज गरिएको हो। अहिले प्रदेशका विभिन्न अस्पतालमा १२ जनालाई आईसोलेसमा राखिएको छ।

जस्मा ५ जना कोरोना संक्रमित छन् भने बाँकी ७ जनालाई कोरोनाको आशंकामा अस्पतालमा राखिएको छ। उनीहरुको परीक्षण रिपोर्ट आउन बाँकी रहेको छ। यस्तै प्रदेशमा डोटी बाहेक अन्य आठ जिल्लामा नौ सय ५९ जनालाई विभिन्न क्वारेन्टाईनमा राखिएको छ।