विराटनगर । कोरोना भाइरस सङ्क्रमणको जोखिम बढ्न थालेपछी जोखिमयुक्त ठाउँहरूको पहिचान गरी सरकारले थप कडाइ गर्न थालेको छ।
शुक्रबार मात्रै उदयपुरको भुल्केस्थित मस्जिदमा भारतबाट आएका १२ जनामा कोरोना पुष्टि भएसँगै अन्य मस्जिदमा पनि भारतीयहरू बसेको हुनसक्ने भन्दै स्थानीयले अनुसन्धानका लागि प्रशासनलाई आग्रह गरिरहेका छन्। यसरी लुकिछिपी अन्यत्र समेत बसेको हुनसक्ने आशङ्कामा सुनसरीको इटहरी आसपासका १४ वटा मस्जिद सिलबन्दी गरिएको छ ।
सङ्घीय सरकारको सुझाव अनुसार मस्जिद सिलबन्दी गरेर त्यहाँका मानिसहरूलाई क्वारेन्टाइनमा राखिएको छ । उपप्रमूख लक्ष्मी गौतमका अनुसार मस्जिदमा बस्दै आएकालाई इटहरी उपमहानगरपालिकाले स्थानीय जनता बहुमुखी क्याम्पसमा बनाएको क्वारेन्टाइनमा राखेको छ।
यस्तै मोरङका विभिन्न मस्जिदमा पनि भारतीय धर्मप्रचारक बस्दै आएको जानकारी स्थानीयले प्रशासनलाई गराएका छन् भने त्यस्ता क्षेत्रमा निगरानी बढाएर स्वास्थ्य परीक्षण गराउन दवाब दिएका छन्।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
