काठमाडौं । अन्तराष्ट्रिय तथा आन्तरिक हवाई उडान आगामी जेठ २ गतेसम्म बन्द रहने भएको छ । कोभिड-१९ सम्बन्धी उच्चस्तरीय समन्वय समितिको शनिबार बसेको बसेको तत्काल हवाई उडान सुचारु गर्न नसकिने निष्कर्ष निकालेको हो ।
‘हवाई उडानहरू अप्रिल ३० सम्म स्थगित थियो । यसलाई १५ सम्म लम्ब्याउने निर्णय भएको छ, प्रधानमन्त्री कार्यालयका सचिव नारायण विडारीले बताए ।
सुरूमा प्रधानमन्त्री केपी शर्मा ओलीले पहिलोपटक देशवासीलाई सम्बोधन गर्दै चैत ९ देखि १८ गतेसम्म नेपाल आउने अन्तर्राष्ट्रिय उडानमा रोक लगाउने घोषणा गरेका थिए । त्यसपछि वैशाख ३ सम्म प्रतिबन्ध लम्बाइएको थियो । त्यसपछि फेरि १८ गतेसम्म प्रतिबन्ध विस्तार भएको थियो ।
सरकारले आन्तरिक उडान मात्रै रोकेको छैन, विदेशी एयरलाइन्सहरूलाई यात्रु लिएर आउन प्रतिबन्ध लगाएको छ । तर, विदेशी एयरलाइन्सहरूले नेपालबाट यात्रु लिएर जान खाली विमान पठाउन सक्छन् ।
त्यसअनुसार विभिन्न एयरलाइन्सहरूले अहिले पनि विदेशीहरू लैजान उद्दारको उडान गरिरहेका छन् । नेपाल एयरलाइन्सले कार्गो उडान पनि गरिरहेको छ । यसबीचमा चीनबाट नेपाल एयरलाइन्स र सिंगापुरबाट श्रीएयरलाइन्सले मेडिकल सामग्री ल्यायो ।
सरकारले यात्रु लिएर आउन प्रतिबन्ध लगाएपछि पनि सुरूमा केही एयरलाइन्सले अटेरी गरेर यात्रु ल्याएका थिए । अहिले त्यो क्रम ठप्प छ ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
