विर्तामोड । झापाको बाह्दशीको एकजनामा कोरोना संक्रमण देखिएपछि बाह्रदशी गाउँपालिकाले संक्रमण देखिएको क्षेत्र पूर्ण रुपमा सिल गर्ने निर्णय गरेको छ ।
सोमबार विहानबाट बसेको सर्वपक्षीय बैठकले संक्रमण देखिएको वडा नं ४ र छिमेकी ५ नं वडा सिल गर्ने निर्णय गरेको गाउँपालिकाले जनाएको छ ।
पूर्वमा कंचनगढ सडक,उत्तरमा साविकको चकचकी गाविसको सीमाना, पश्चिममा बिरिङ खोला र दक्षिणमा राधानगरसहित साविक चकचकी गाविसको दक्षिणी सिमानाभित्रको क्षेत्र सिल गरिने गाउँपालिकाले जनाएको हो ।
यसबाहेक बैठकले पुर्ण बन्दको निर्णय कार्यान्वयनकालागि आवश्यक परेको खण्डमा नेपाल प्रहरी, शसस्त्र प्रहरी र सेना परिचालनको माग गर्ने समेत निर्णय गरेको छ । हालसम्म उक्त क्षेत्रमा आरपिटि परिक्षण प्रभावकारी नभएको भन्दै पीसीआर परिक्षणकै माग गर्ने पनि निर्णय समेत भएको छ ।
आइतबार बाह्रदशी गाउँपालिका ४ का ५० वर्षीय पुरुषमा कोरोना भाइरसको संक्रमण पुष्टि भएको थियो ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
