एक हजार दुई सय ९९ जना नेपाली नागरिक नेपाल आए

एक हजार दुई सय ९९ जना नेपाली नागरिक नेपाल आए
जनक साउद, बैतडी । बैतडीको सीमानाका जुलाघाटबाट एक हजार दुई सय ९९ जना भारतीय क्वारेन्टीनमा रहेका नेपाली नागरिक नेपाल भित्रिएका छन । कोरोना भाईरस कोभिड १९ को संक्रमणको जोखिका कारण सरकारले सिमा नाका बन्द गरेपछि उनीहरु महिनौ देखि सीमापारी भारतिय क्वारेन्टीनमा रहेका थिए ।

गृह मन्त्रालयले प्रकृया पु¥याएर उनीहरुलाई नेपाल ल्याउने निर्णय गरेपछि उनीहरुको स्वास्थ्य परिक्षण गरि नेपाल ल्याईएको बैतडीको प्रमुख जिल्ला अधिकारी आनन्द पौडेलले जानकारी दिनुभयो । सिमापारी भारतीय क्वारेन्टीनमा रहेका एक हजार दुई सय ९९ जना जुलाघाट नाकाबाट बिहिबार नेपाल भित्रिएका हुन ।

उनीहरुको सामान्य स्वास्थ्य परिक्षण गरी सम्बन्धित स्थानिय तहहरुले निर्माण गरेका क्वारेन्टीनमा बस्ने गरी पठाईएको जिल्ला प्रशासन कार्यालय बैतडीका सुचना अधिकारी एबंम सहायक जिल्ला अधिकारी लोकेन्द्र सिह नेगीले बताए । जुलाघाट नाका भएर उक्त संख्यामा नेपाली मजदुरहरु नेपाल आएका हुन । जुलाघाट नाकाबाट नेपाल आएका एक हजार दुई सय ९९ जना मध्ये ३९ जना महिला पनी रहेका छन ।

यस्तै दार्चुलाको सीमानाकाबाट पनी एक हजार दुई सय ९० जना नेपाल आएका छन । दार्चुला र बैतडीको सीमानाकाबाट आज बिहिबार जम्मा दुई हजार पाच सय ९० जना नेपाल आएका हुन । उनीहरु सबैको सामान्य स्वास्थ्य जाच गरी सम्बन्धित स्थानिय तहहरुले निर्माण गरेका क्वारेन्टीनमा पठाईएको छ । उनीहरु सबैलाई १४ दिन सम्म अनिबार्य क्वारेन्टीनमा राखिने बैतडीका प्रमुख जिल्ला अधिकारी पौडेलले बताए।

१४ दिन पुरा भए पछि सबैको आरडिटि परीक्षण गरिने र रिर्पोट नेगेटिभ आएमा मात्र घर पठाईने उहाले बताए । सुरुमा दुई हप्ता मात्रै क्वारेन्टीनमा बस्ने भनिए पनि महिनौ सम्म क्वारेन्टीनमा बस्नु पर्दा उनीहरु आक्रोशित भएका थिए । महिनौ पछि नेपाल प्रबेश गर्न पाएकोमा निकै खुसी लागेको पुर्चौडी नगरपालिकाका लक्ष्मण बोहराले बताए ।