ग्रिनपिस एकेडेमीले मासिक शुल्कमा छुट दिने

इटहरी । लकडाउनका कारण शैक्षिक संस्थाहरु समेत बन्द रहेको समयमा पनि अनलाईन कक्षा सञ्चालन गर्दै आएको इटहरीको ग्रिनपिस एकेडेमीले विद्यार्थीहरु लाइ मासिक शुल्कमा छुट दिने भएको छ ।
कोरोना भाइरसको संत्रासका कारण लगाइएको लकडाउनलाई मध्यनजर गर्दै ग्रिनपिस एकेडेमीले विधार्थीहरुको पठन पाठनलाइ मध्य नजर गर्दै विधालय तहमा पनि यही बैशाख १५ गते देखि अनलाईन कक्षा सञ्चालन गर्दै आएको छ । अनलाइन कक्षा संचालन गर्दा अभिभावकको इन्टरनेट डाटामा खर्च वढने, विधालयको समाज प्रतिको उत्तरदायित्व तथा अधिकतम विधार्थीको सहभागिताको लागि भन्दै अनलाइन कक्षा संचालन गर्दाको समय सम्मको अवधिमा कक्षा नर्सरी देखि १० सम्मको मासिक शुल्कमा प्रति महिना पाँच सय छुट दिने निर्णय भएको विधालयका प्रिन्सिपल राम कुमार राईले वताए। उनले अनलाईन कक्षा सञ्चालन गरिएका कारण अभिभावकहरु लाई समेत केही सहयोग पुगोस भनेर कक्षा नर्सरी देखि १० सम्मका विद्यार्थहरुका लागि मासिक शुल्कमा छुटको व्यवस्था गरिएको जानकारी दिए ।
विद्यालय तह मात्र नभएर इटहरी नमुना कलेज समेत सञ्चालन गर्दै आएको ग्रिनपिस फाउण्डेशनले प्लस टु देखि मास्टर सम्म कै कक्षाहरु अनलाईनबाट सञ्चालन गर्दै आएको र अनलाईन कक्षामा समेत ८० प्रतिशत भन्दा वढि विद्यार्थीहरुको सहभागिता रहेका कारण आफुहरु उत्साहित भएको इटहरी नमुना कलेज तथा ग्रिनपिस एकेडेमीका अध्यक्ष केशव खड्काले जानकारी दिए । विद्यार्थीहरुलाई विभिन्न सामाजिक गतिविधिहरुमा समेत प्रत्यक्ष सहभागी गराउदै आएको यस फाउण्डेशनले कोरोना भाइरसको त्रासका कारण मुलुकमा लकडाउन घोषणा भएपछि शैक्षिक गतिविधि प्रभावित नहोस भनेर अनलाईन कक्षा सञ्चालन गर्दै आएको छ ।