कञ्चनपुर । बेदकोट नगरपालिकाका प्रमुख अशोककुमार चन्द सवारी दुर्घटनामा परि घाइते भएका छन् ।
मंगलबार पूर्वपश्चिम राजमार्ग अन्तरगत जिल्लाको कृष्णपुर नगरपालिका वडा नम्बर २ वाणीमा सडक छेउमा रोकेर राखेको से २ त २४३७ नम्बरको ट्रयाक्टरमा प्रमुख चन्द सवार नगरपालिकाको म १ झ १०१ नम्बरको गाडी ठोक्किदा दुर्घटना भएको हो ।
सुदूरपश्चिम प्रदेश ट्राफिक प्रहरी कार्यालय अत्तरियाले दुर्घटनामा परी मेयर चन्दको हातमा समान्य चोट लागेको जनाएको छ भने गाडीको अगाडीको भागमा क्षती पुगेको जनाएको छ। दुर्घटनामा नगरप्रमुख चन्द घाइते भएका छन् भने उनि संगै गाडीमा सवार अरु सकुशल रहेको प्रहरीले जनाएको छ।
अहिले प्रमुख चन्दको धनगढीस्थित मायामेट्रो अस्तापलमा उपचार भइरहेको छ। उनको अवस्था सामान्य रहेको अस्पताल श्रोतले जानकारी दिएको छ । नगरप्रमुख चन्दले पनि आफ्नो स्वास्थ्य सामान्य भएकाले नगरबासीलाई चिन्ता नगर्न आग्रह गरेका छन् ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
